.png)
某天公司電話響起：
對方：你好呀，我哋依家送$1000 Google廣告禮劵，請問負責網上推廣的同事喺度嘛？
我：哦，我算係負責呢方面的事....
（你到底知唔知我公司做咩生意的？）
對方一輪嘴講佢點幫我賣廣告...
我：你哋有無做SEO？
對方：SEO係....？
我：..... 滴汗中....
對方即說：我好似記得公司有呢類產品，不如我再覆你？
我：暫時唔需要啦... 我有需要再搵你。
近年由於租金人工上漲同埋市場轉營，好多老闆都會選擇從實體商店轉為發展網上商店。即使唔係經營網店，都需要用網絡營銷來推廣品牌或業務。
由於網上宣傳同傳統宣傳手法實在係好唔同，所以好多老闆都無從入手。
好多老闆會有一個疑問，到底應該請人或者自己做網上推廣好？定係搵網上推廣公司幫手好呢？
等我為你分析當中利弊！
請人做In-house Marketing 管理網上推廣？
好多老闆請一位普通文員或者自己去處理網上推廣，以為都係寫吓嘢，POST吓相，甚至賣吓Google廣告或Facebook廣告等，就可以有生意。
結果，網上的生意額差到連普通文員的人工都唔夠俾。
因為以上觀念，係根據舊有傳統廣告的想法去做，效果一定只會係做到，但唔係做好。
要學識各式各樣千變幻化的網上平台推廣方法，要跟得上每分每秒都變化的網絡世界，要識得評估同優化網絡宣傳的效果... 絕對不是即學即會的事。
所以，有一部分老闆會願意請一個有網上推廣經驗的Marketing同事去處理，但係招聘過程中，根本唔知點去評估對方能力。
而事實上，一個稍為有網上推廣經驗的專業Marketing人員，薪金都要接近三萬蚊起跳，而大部分老闆亦唔知點去評核呢批員工的工作能力。
由於市場對網上推廣人員的需求好大，做得好的員工會好容易被人挖角。而呢類員工一但離職，好多老闆根本搵唔到人跟進佢哋手上的工作。
咁係咪搵網上推廣公司幫手會比較好？
呢個問題並唔容易解答。
市面上有太多聲稱識做網上推廣的公司，大部分會sell你一式一樣的套餐，講一大堆你唔明的內容再加一堆你唔明的report(有Report已經萬幸)。
搵網上推廣公司是最方便的方法，但一間網絡營銷公司如果有能力幫客戶搵客，點解要用cold call呢種咁無說服力的手法搵客呢？
就算cold call，係咪應該訓練好員工對產品及市場的知識呢？
筆者接觸過無數企業老闆，比咗錢之後根本唔知網上推廣公司做過什麼。如果你問老闆們知唔知比咗錢做乜，佢哋會有以下回覆：
做搜尋關鍵字囉，即係有人搜尋就見到我公司囉。
賣廣告，唔知賣咩廣告，總之耐唔耐有人問吓。
開咗個facebook囉，越來越多人like，都幾好。
落咗Google Adwords 同Facebook廣告，我知有幾多人click過同用咗幾錢囉！優化？唔係唔洗理佢咩？
類似呢d答案，仲有更多其他大部分一知半解。
其實，點揀一個好的網絡營銷代表，我已喺之前發的文章《15個能讓你選對市場推廣公司的問題》內已經講過。
選擇搵網絡營銷代表幫手，應該要參閱以下條件：
看看對方是如何令你找得到他們，一間網絡營銷公司靠cold call搵你的話，即係連自己都幫唔到。
設定自己公司想達到的目標，再去尋找幫忙。如果單純想搵生意，都應了解自己生意的長處和短處跟Marketing公司配合。
開始時，應以半年或一年為限，每一個月對方應有報告及改善方案提供。
Marketing是永遠的進行式... 絕無捷徑及單一手法可以用在每一個行業中。
總結： 短期找外判公司是最快最有效，長遠該訓練內部人員或只外判部分工作出去。這才是一間公司於網上推廣最健康及長遠的做法！