.png)
“ 今個月點解個 SEO 排名 仲未到首頁？”
“ 點解有d公司話 SEO 可以 90日上首頁？你做唔做到？”
每個月，我都會將為客戶做了SEO的成果以報告分析，然後比返客戶。
通常客戶都會有類似以上的問題，到底排名喺首頁係咪就代表我哋完成工作呢？而點樣去量度一個SEO計劃是否成功呢？
如何選擇合適的關鍵字呢？
每次開始一個新的SEO計劃時，第一件事一定係做關鍵字分析！
客戶會將佢哋認為最理想的關鍵字比我哋，但千祈唔好以為客比咩我哋就照用。
除咗客戶想要的關鍵字外，我哋仲要分析市場上的競爭對手關鍵字。免除部分競爭太大的，喺一開始去正面衝突之餘，可先推上較快有流量的關鍵字。另外，亦可搵出競爭對手忽略的關鍵字去突圍。
除咗對手分析外，查清市場最大搜尋量的類似關鍵字亦係非常重要。
除非客戶預算充足，否則喺綜合呢幾個重要條件後，我會建議首次做SEO的客戶針對性去推10個或最多15個關鍵字。太少的話，推高咗都唔夠人流。太多的話，內容方面未必配合到。
SEO唔係為排名的話，咁到底係為咩呢？
有好多競爭性好強的關鍵字，有時某d行業係無可避免去選擇做SEO。
雖然可以用long-tailed keywords 去解決問題，但我會選擇一半做高競爭性關鍵字，一半做long-tailed。
因為競爭性大的關鍵字，你會較容易帶動周邊類似關鍵字，從而會帶來更多人流。
例如，【移民】呢個字，因為好大競爭性，包括公共機構都係你競爭對手，但如針對呢個字去做，其他類同的關鍵字就會自然帶動，例如【移民公司】、【香港移民公司】等。
選擇競爭大的關鍵字，當然唔係一定好，所以另一半字就會做long-tailed。
例如【香港移民加拿大】, 【移民台灣方法】之類。佢哋會較快上到首頁，亦會帶來一定的人流。
坊間不少網上推廣公司吹噓自己可以90天內上首頁，你試一試叫他們做指定的10-15個針對性競爭大的關鍵字吧！肯定是不可能的！
他們利用SEO的漏洞，找些競爭性極低的關鍵字推上首頁，我夠膽講，我無需要90天，9天都可以。
所以，SEO並不能只用排名去量度。
講到底，做SEO的原意是帶來人流，而且是針對性的人流。
所以任你排名再高，如果該關鍵字根本無人用，你的生意如何被帶動？
SEO最理想的量度方法，是非常簡單。
查看一下你的Google Analytics，針對以下幾點：
1/ Organic Search 自然搜尋人流 - 這是最直接代表到SEO成效的，從自然搜尋內找到你的人數是否有提升？
2/ Bounce Rate 跳出率 - 從Organic Search 而來的人流，跳出率是否有減少？跳出率越低，代表針對性的關鍵字與你的網站關連越大，客戶在你的網站找到想要的資料，自然生意都會好d。
當然，SEO唔係咁簡單就可以去評估，但從呢2點就可以簡單量度到SEO計劃有無增長。而如果你的網站可以在競爭性極大的關鍵字中排首頁，那麼你的網站人流就一定已經有保證了！
要做好SEO，最重要始終還是內容 （Contents)。
搵個有心做的人或公司去為你長遠而穩定的SEO計劃盡快展開啦！